من يصدق

من طرف **دموع الندم** 19/9/2009, 11:16 am

يابنت أنا للوقت مانيب تسلاه=ولا أمشي بدرب ٍ تاليته الضياعي
تلقين مثلك من تسلين وياه=إللي لشيمات العرب مايراعي
شبحي بعيد وكل ضلع آتعلاه=ويفرق على باع الرياجيل باعي
هذي ثقه للروح مشروبه إغذاه=جعلتها للنفس خيرة متاعي
ومانيب عن درب السنع مسلكه تاه=وعيون كل الناس صوبي تراعي
أخشى على الناموس وأخشى على الجاه=وأطمع بذكر ٍ طيب ٍ لي يشاعي
إللي يجاريكن حمل داه برداه=حرج على السمعة بلا ش ٍ وباعي
فهفي مهف مقيط مع هفة إرشاه=مافاد شي ٍ يوم للبوق تاعي
هذا جزا الدنيا وقدّامه أخراه=يوم ٍ عصيب يشيّب أهل الرضاعي
وأختامها مانيب للوقت تسلاه=ولا أمشي بدرب ٍ تالته الضياعي